مــــــــــــــــــــــــا تخــــــــــــــــــــافــــــــــــــــــــــــش

ماتخافش من بكره و من امبارح
خاف من النهارده الصبح بالتحديد عملت ايه اما قمت
صليت ورحت الشغل واللا نسيت ورجعت نمت ؟
ما تخفش من الناس اللى ماشين فى الطرق والى اللى قاعدين على المكاتب
واللى واقفين بالهدوم السوده والنياشين فى المفترق
خاف خطوتك على الارض
واثقة واللا هيابه
ماشيه بثبات واللا بتتسحب
وتلف ترجع كل ما تشم الخطر
ما تخافش من ديب او اسد او كلب
خاف نبض قلبك لو خفق فى الغابه كانه ارنب مرق
من الذعر ملدوغ قبل ناب الحيه
ماتخافش من النار خف سلام الميته
لو نمت جنبه فى انتظار السحابه
ما تخافش من القوه
خاف من هزيمه قلبك الطيب
قدام جلال الفتوه
ماتخافش من اى شىء
الا ارتعاش الخوف
اللى يذل القلب من جوه
ما تخافش من اى شىء